Indian Navy join karna desh bhakti aur samman ka prateek hai. Yuvaon ke liye yah ek shandar career option bhi hai. 12th ke baad Indian Navy me bharti hone ke liye kuch specific criteria aur exams hain jinke baare mein jaankari hona zaroori hai. Iss blog mein hum jaanege ki 12th ke baad aap Indian Navy me kaise bharti ho sakte hain.
Eligibility Criteria
Indian Navy me bharti hone ke liye kuch basic eligibility criteria hote hain:
- Shiksha: Aapke paas science stream mein 12th pass certificate hona chahiye, jisme Physics aur Mathematics subject honi chahiye.
- Age Limit: Candidate ki umr 16.5 se 19.5 saal ke beech honi chahiye.
- Nationality: Aap Bharat ke nagrik hone chahiye.
- Marital Status: Candidate unmarried hone chahiye.
Selection Process
Indian Navy me bharti hone ke liye pramukh tareeke NDA (National Defence Academy) exam aur SSR (Senior Secondary Recruit) entry hote hain:
NDA Exam
NDA exam UPSC (Union Public Service Commission) dwara varsh mein do baar conduct kiya jata hai. Iss exam ke do parts hote hain – written test aur SSB (Services Selection Board) interview.
SSR Entry
SSR entry ke liye candidates ko ek written examination aur Physical Fitness Test (PFT) pass karna hota hai. Written exam ke baad medical examination bhi hota hai.
Exam Pattern
NDA aur SSR exams ka pattern alag-alag hota hai:
NDA Exam Pattern
- Written Test: Isme do subjects hote hain – Mathematics aur General Ability Test (GAT). Mathematics 300 marks ka aur GAT 600 marks ka hota hai.
- SSB Interview: Written test ke baad SSB interview hota hai jo 5 din tak chalta hai. Isme psychological tests, group tasks, aur personal interview shamil hote hain.
SSR Exam Pattern
- Written Exam: Ye exam 100 marks ka hota hai jisme English, Science, Mathematics, aur General Knowledge ke questions hote hain.
- Physical Fitness Test (PFT): Isme 1.6 km run, push-ups, sit-ups, aur squats shamil hain.